Црн дроб и гнев – ТКМ објаснување на емоции, болки и стрес

Црн дроб и гнев – како изгледа блокираниот меридијан?

Традиционалната кинеска медицина (ТКМ) го гледа човекот како енергетски организам – мрежа од меридијани низ кои циркулира животната сила Qi(Чи). Секој орган има физичка улога, но и своја емоционална, духовна и енергетска задача.Црниот дроб е органот кој владее со движењето на енергијата, крвта, емоциите, хормоните, одлуките и креативноста. Кога е во хармонија → човек реагира смирено, јасно и стабилно.
Кога е блокиран → се буди гнев, фрустрација, раздразливост и тензија.

Зошто гневот е емоцијата на црниот дроб?

Во ТКМ, гневот не е грешка — туку јасен сигнал.
Тоа е емоција што се јавува кога енергетскиот проток на црниот дроб е ограничен.

Црниот дроб управува со:

• слободното движење на Qi
• протокот на крв
• емоционалната флексибилност
• креативноста
• способноста да се донесуваат одлуки
  

Кога Qi стагнира → се јавува Liver Qi Stagnation(стагнација на чи во црниот дроб), состојба која се чувствува како внатрешна напнатост’’вриење“, раздразливост или експлозивни реакции.

TCM вели:
„Гневот го повредува црниот дроб. Повредениот црн дроб создава гнев.“

И така се формира затворен круг кој може да се прекине само преку ослободување на таа енергија.

Како изгледа блокираниот меридијан на црниот дроб?

Емоционални симптоми

• Фрустрација и раздразливост – Се јавуваат кога протокот на Qi е „стегнат“ и не може да се движи природно.
• Чувство на заглавеност – Го опишуваат како чувство на стагнација и прокрастинација. Не можат да се поместат напред, иако сакаат. Свесни се за неможноста да се движат напред во животот, но не наоѓаат ниту начин, ниту воља, ниту сила да се придвижат. Во ретките случаи кога се придвижуваат имаат мал напредок, но пак се враќаат во првобитната состојба многу брзо.
• Експлозивни реакции – Кога индивидуата е премногу долго во стагнација, енергијата бара пат да излезе, да се изреализира и со вртоглава брзина брзо се движи нагоре кон главата. Се добива ‘’Експрес лонец’’ ефект, кога има излив на емоции како вулканска ерупција. Најчести тригери се мали работи.
• PMS емоционални осцилации – Црниот дроб ја регулира циркулацијата, па блокадата влијае врз хормоните, а хормоните диркно влијаат на нашето расположение, регулирање на тежината, функцијата на органите во нашето тело.

Физички симптоми

• Напнатост во врат, рамена и фасција –Црниот дроб „владее со тетивите“, па стагнацијата создава затегнатост. Дали некогаш сте почувствувале болка која се движи од Ахиловата пета кон листот на ногата? Тоа е вашиот црн дроб кој ‘’вреска’’ за внимание.
• Мигренозни болки зад очите – Очите се поврзани со црниот дроб – притисокот таму е знак за блокада. Покрај оваа блокада постои уште и замаглен вид, влошен вид и други состојби на очите предизвикани од неправилен проток или блокада на Qi.
• Проблеми со дигестија – Стресот и стагнацијата го нарушуваат желудникот и цревата. Некои од состојбите се – синдром на нервозни црева, опстипација, нарушена цревна флора,хроничен гастрит, болки во цревата и др.
• Будeње од 01–03 часот – Ако ги имате повеќето или некои од горенеаведените физички симптоми тогаш и будењето во ‘’зла доба’’ замислете, не било од ‘’демонски напади’’. Тоа само вашиот црн дроб во тој период се детоксифицира енергетски.

Каде на телото се манифестира блокадата на црниот дроб?

Црниот дроб и неговиот меридијан имаат многу препознатлива патека низ телото, па затоа симптомите што се појавуваат често следат јасен енергетски „потпис“. Наместо да се чувствува како општа напнатост, оваа блокада покажува специфични точки каде Qi се успорува, се згуснува или се „крева нагоре“. Токму овие зони најчесто зборуваат за состојбата на црниот дроб и даваат многу јасни знаци кога е нерегулиран, преоптоварен или емоционално притиснат.

Следниве четири области најчесто реагираат први.

1. Десната страна од телото

Десната страна е најкарактеристична затоа што таму се наоѓа самиот орган и таму минува главниот тек на Liver + Gallbladder меридијанот. Болката или тежината под десното ребро е еден од најчестите сигнали дека Qi не тече слободно. Истото важи и за напнатоста под десната лопатка, крутиот десен врат или рамото, како и ограничената подвижност во десниот колк. 

Дури и болка во десното колено или мигрена што ја погодува само десната страна на главата може да укажува на истата блокада. Ова се случува кога стагнацијата се качува преку меридијанската патека и создава притисок по целата вертикала.

2. Внатрешната страна на бутот

Меридијанот на црниот дроб минува по внатрешниот дел на ногата, па оваа област брзо реагира на застој. Чувствителност, влечење и затегнатост што не се ослободува со класично истегнување по должината на бутот се карактеристични чувства. 

Важно е да се знае дека ова не е мускулна болка — туку енергетско стегање што се акумулира длабоко во фасцијата. Особено е често кај жени со PMS, хормонски промени или подолготрајна емоционална напнатост.

3. Очите – прозорецот на црниот дроб

ТКМ учи дека очите ја изразуваат состојбата на црниот дроб. Затоа, кога има блокада, многу брзо се јавуваат симптоми како заматен вид, притисок зад очите, пулсирање околу слепоочниците или чувство на сушење. 

Ова се случува кога „топлината“ од стагнацијата се качува нагоре, создавајќи визуелна замореност или мигрена околу очниот регион. Секој облик на визуелна тежина често е индиректен знак дека енергетскиот проток е нарушен.

4. Генитална и хормонална зона

Црниот дроб ја регулира циркулацијата на крвта и енергетскиот тек во долниот дел од телото, па блокадите речиси секогаш затегаат и во хормоналниот систем. 

PMS со нагла раздразливост, болки пред циклус, нередовни менструации, надуеност или чувствителност на долниот абдомен — сите овие состојби се класични за Liver Qi стагнација. 

Кога Qi не се движи, крвта станува „густа“ и циркулира потешко, што резултира со болки, притисок и емоционални големи промени.

Совет
Во ТКМ, секој орган има емоција, а црниот дроб ја носи емоцијата на проток, храброст и движечка сила. Затоа, кога овој систем е под притисок, телото многу брзо испраќа сигнали конкретно по патека на овој меридијан — за да те предупреди дека нешто бара ослободување. Со правилна комбинација од движење, дишење, масажа и емоционално процесирање, сите овие симптоми можат да се намалат или целосно да исчезнат.

Што го блокира протокот во меридијанот на црниот дроб?

Кога зборуваме за блокада на меридијанот на црниот дроб, тоа значи дека – енергијата престанува да тече природно и телото влегува во состојба на внатрешно „стегање“. Во Tai Chi и Qigong ова се смета за комбинација од емоционален притисок, физиолошки стрес и навики што ја „згуснуваат“ или загреваат енергијата во телото. Состојбата се појавува кога духот е преморен, нервниот систем е преоптоварен или животниот ритам е хаотичен. 

Пр.

• хроничен стрес
• потиснати емоции
• недостиг на движење
• перименопауза / хормонални промени
• алкохол, тешка и пржена храна
• нервозна напнатост
• недоволен сон

Како се делат органите по меридијани во ТКМ?

Постојат 12 главни меридијани – секој со своја yin или yang природа. Овие меридијани функционираат како енергетски патеки низ кои тече животната сила, одржувајќи го балансот меѓу телото, умот и емоциите. Yin меридијаните се поврзани со внатрешните, хранливи и емоционални процеси, додека yang меридијаните го движат, трансформираат и активираат телото. 

Заедно создаваат динамичен систем во кој секој орган има свој партнер, своја улога и свој енергетски ритам. Кога еден меридијан е блокиран, неговиот „партнер“ автоматски го чувствува дисбалансот, создавајќи синџир од физички и емоционални симптоми.

Yin меридијани (внатрешни, хранливи, емоционални)

• Црн дроб (LV) – гнев, движење, елемент: дрво
• Срце (HT) – радост, свесност, елемент: оган
• Слезина (SP) – грижа, преанализирање, елемент: земја
• Бели дробови (LU) – тага, отпуштање, елемент: метал
• Бубрези (KI) – страв, витална енергија, елемент: вода
• Перикард (PC) – интимност, релации, елемент: оган

Yang меридијани (надворешни, активни, трансформираат)

• Жолчка (GB) – одлучност, храброст, елемент: дрво (партнер со LV)
• Дебело црево (LI) – отпуштање, елемент: метал
• Тенко црево (SI) – разликување, елемент: оган
• Стомак (ST) – преработка, физичка и емоционална, елемент: земја
• Мочен меур (BL) – стрес, тензија, елемент: вода
• Трифоен грејач (TB/SJ) – терморегулација, циркулација на течности, елемент: оган

(Трифоениот грејач не е физички орган, но во ТКМ има силна енергетска функција и се класифицира во елементот оган.)

Важно:
Црниот дроб и жолчката се ‘’органски пар’’ на елементот ‘’дрво’’.
Затоа блокадите често се шират по страната на телото,по страната на бутот,во мигрени на едната страна,колкови и рамена од истата страна.Ова е најчестиот „енергетски печат“ кај жени со стрес, траума, PMS или потиснато незадоволство.

Како да се ослободите од стагнацијата?

1. Движење

Движењето е првиот и најмоќен лек за стагнација на црниот дроб. Во ТКМ важи правилото: „Кога телото мирува, Qi мирува.“ Затоа динамиката е клуч. 

• Јогата, особено положбите со твист, ја „истиснуваат“ затнатата енергија околу ребрата и дигестивните органи. 
• Танцот и shaking техниките ја ослободуваат фасцијата – ткиво кое складира емоционална напнатост. 
• Брзото пешачење ја активира циркулацијата.
• Tai Chi и Qi Gong ја смируваат нервната активација и го раздвижуваат Qi-от преку контролирани, течни движења. 

2. Акупресура

Акупресурата делува како „енергетско отворање“ на телото. 

Притисокот на LV3 (Tai Chong) на стапалото го смирува гневот и ја ослободува внатрешната напнатост. 

GB34, точка на надворешната страна на коленото, ја релаксира фасцијата и ја одмрзнува стагнацијата во страната на телото.

LV14, под ребрата, е клучна точка за ослободување на притисокот во градниот кош, дигестивните симптоми и PMS тензијата.

Овие точки ја „отвораат“ патеката на Qi и го намалуваат притисокот кој често се чувствува во десната страна од телото.

3. Исхрана

Црниот дроб сака лесно, зелено и свежо. 

• Зељестите растенија – спанаќ, рукола, блитва, зелка – помагаат во природно детоксицирање, бидејќи според ТКМ тие го омекнуваат енергетскиот проток. 
• Лимонестите плодови го стимулираат движењето на Qi и го намалуваат чувството на тежина во телото. 
• Лесната исхрана (повеќе растителна, помалку тешки масти) го одржува протокот без „густина“. 
• Од растенија помага Глуварче кое го има и кај нас или семе од Бел Трн – кај нас попознат како ‘’Магарешки трн’’, кое има многу поголем ефект од Глуварчето. По малку истражување освен во Хемера овој суплемент го најдов и во Еурофарм. 

Од друга страна, алкохолот, шеќерот и прженото создаваат топлина и влага во телото – комбинација што ја згуснува енергијата, го успорува метаболизмот и го влошува гневот, PMS и дигестивните симптоми.

4. Емоционално процесирање

Црниот дроб е органот што најсилно реагира на потиснати емоции. 

• Плачењето е природен начин на телото да ја исфрли наталожената енергија. 

• Journaling без филтер им дозволува на мислите да се излеат без отпор, што често создава момент на јасност и емоционално олеснување. 
• Поставувањето граници е енергетско „затворање“ на местата каде црниот дроб губи Qi – во TКМ се смета дека кога луѓето ја прекршуваат твојата емоционална територија, црниот дроб реагира со гнев. 

Емоционалното процесирање не е слабост, туку хигиена на енергетскиот систем.

5. Масажна терапија во 3T Oasis

Масажите се најдиректниот пат за ослободување на стагнацијата, бидејќи го раздвижуваат Qi и ја релаксираат фасцијата – ткиво што складира стрес, траума и потиснати емоции. 

• Мадеро масажата е одличен избор бидејќи со неа механички се разградуваат „енергетските јазли“, што го олеснува протокот и ја подобрува циркулацијата. 
• Лимфната масажа ја намалува тежината, надуеноста и лошиот проток – особено кај перименопаузалните симптоми. 
• Медната масажа е моќна за детокс и ослободување на затегнатата површна фасција. 

Фасцијалната терапија го релаксира телото на најдлабоко ниво, и го смирува нервниот систем враќајќи го телото во парасимпатичка состојба, каде Qi најдобро се обновува.

Духовна порака

Гневот не е непријател.
Тој е компас што покажува каде Qi е заглавен.Црниот дроб не те казнува – те буди.
Те повикува да се поместиш, да пуштиш, да кажеш вистина и да го вратиш протоко